First Blog for 2005

Kapapasok palang ng taon ay wala na agad akong maisip na gawing blog. Kanina pa ako nakatingin sa monitor pero wala talaga akong maisip.

Bat di mo ikwento yung bagong taon mo?

Masyadong ordinaryo. Syempre kasama ko buong pamilya ko. Nagpaputok, kumain, tumalon tapos nagpaputok uli. Kahit na muntik na akong maputukan ay tuloy pa rin ang ligaya. Yun lang....

Eh yung mga naputukan ngayong 2005?

Ayaw ko rin nyan. Taun-taon na lang yan. Napanood ko nga sa MGB yung report nila. Parang sila rin yata yung naputukan nung 2004. Parang nakakasanay na ang makakita ng gutay-gutay na kamay, lapnos na mukha, umiiyak na bata dahil sa sakit at mga lasenggong natanggal ang kalasingan.

Yung mga biktima ng tsunami na lang kaya?

Yan sana kaya lang ano pa ang ilalagay ko. Nung magbasa ako ng blog ng iba, nasabi na nilang lahat. Wala ng itinira para sa akin.

Kwento mo kaya yung gagawin mo para sa Valentines?

Wala naman sa timing yan! Gusto ko medyo malapit sa New Year's.

Eh di yung New Year's Resolution mo?

Iisa lang naman ang resolution ko taun-taon. "I will not make a new year's resolution". Ano pa ang ieexplain ko dyan?

Gumawa ka na lang kaya ng tula?

Nagawa na ni chigo yan. Gusto ko medyo original ang first blog ko para sa 2005.

Bat naman kailangang original? Ang arte mo naman!!!!

Basta!!! Hwag ka ngang magulo at nag-iisip ako!!

Wala ka sanang maisip!!!