Walang Dayaan

When it comes to games, nakasunod na agad ang mga komentong "Walang dayaan" sa akin. Kung maaga akong nag-bingo, dinaya ko raw. Pag nakapusoy ako, dinaya ko raw. Pag nanalo sa Starcraft, lumaban daw ako ng patas. Pag naghead-shot sa counterstrike, lumaban daw ako ng patas. Pag nagbadminton kami, wala daw dayaan. Pag nagbowling kami, wala daw dayaan. Pag videoke, may daya raw. Pag gamechannel, may daya raw. Aba'y ano bang laro ang pwede kong laruin na hindi ko pwedeng dayain?

Card "Daya"
Masama ba kung tandaan ko ang mga cards na lumalabas sa black jack? Masama rin ba kung iniipit ko ang baraha nyo sa pekwa? Masama ba kung ibahin ko ang takbo ng baraha sa pusoy at sa pusoy dos? Masama ba kung ayaw kong ibaba ang baraha mo sa tong-its? Anong magagawa ko kung ikaw ang laging nagiging unggoy sa unggoy-ungguyan? Kasalanan ko ba kung nabubuo ko ang solitaryo at ikaw ay hindi makabuo?

Board Game "Daya"
Takang-taka sila kung bakit pag snake and ladder ay lagi akong bumabagsak sa ladders at sila ay sa snake. Takang-taka sila kung bakit sa monopoly ay bihira akong bumagsak sa mga properties nila at sila naman ay bayad ng bayad sa akin. Takang-taka sila kung bakit lagi ko silang nauunahan ma-solve ang puzzle sa larong Cluedo. Dinadaya ko raw sa bato ng dice. Ano!!!

Gamechannel "Daya"
3310 lang ang gamit ko sa paglalaro. Ano naman ang pambato ng cell ko sa cell nyo? Send lang ako ng send pag alam ko yung sagot. Mas mabilis, mas maganda. Yung iba nga sa inyo ay mas mabilis pang magtext kaysa sa akin. Wala akong kalaban-laban dahil bukod sa mahina ang signal na nakukuha ko ay super liit pa ng tv screen na ginagamit ko. Saan ako pwedeng mandaya? Kaya nga pagdating ng action games, pinagtutulungan nyo ako kasi doon lang kayo makakabawi sa akin. Wala kayong awa!!!

Videoke "Daya"
Eh ano nga bang magagawa ko kung 13-2 na ang score? Paano ko naman dadayain yung makina? Pareho naman ang kalibre ng boses natin. Pareho naman nating nasasabayan ang tono at lyrics. Iisang microphone ang ginagamit natin. Meron na ngang theme ang kantahan natin. Kumpleto naman sa singing passion at stage presence ang ginagawa natin. Pati bilang ng kakantahin natin ay pantay. Saan ako pwedeng mandaya?

Kawawa naman ako.....Hehehehe!!!!