Annual PE Moments

Last Monday, we went to the clinic to take our annual physical exam. Normally ay hindi ako nagpapacheck-up kasi ramdam ko naman kung may sakit ba ako o wala. Kaya lang in line with my previous post ay naisipan kong humingi ng opinyon sa aming mga doctor kung in good condition ba ako o hindi. Malay nyo may cancer na pala ako o kaya naman ay TB. Mabuti ng malaman ng maaga para magamot agad kasi nga malayo-layo pa ang lalakbayin ko.

At the check-up, humingi sila ng urine at blood sample. Kinunan din nila ng X-ray ang lungs ko. After that ay dental check-up naman. Yung urine, blood and X-ray results ay next week ko pa malalaman kung ok o hindi. Sa estimate ko naman ay di ako magkakaproblema sa urine at blood sample since ang drugs lang na iniinom ko ay Ponstan. Ganon din siguro sa X-ray results, wala naman akong problema sa paghinga at di pa naman ako umuubo ng dugo. Ok din naman yung dental check-up ko, sintibay ng bato at sintatag ng bloke ng semento ang mga ngipin ko.

After ng dental check-up ay yung mismong physical exam na. Ok naman ang lahat. Pero ang ikwekwento ko na lang ay ang mga pasaway moments ko during the physical. Hahaha!!!

---

Doctor: Blood type?
Calc: Normal naman po.
Doctor: Hindi yun, A, B, AB or O ka ba?
Calc: A?
Doctor: Are you sure?
Calc: B?
Doctor: Ano ba talaga?
Calc: Can I call a friend?

---

Doc: Eye exam muna tayo. Tingin sa taas
(tingin naman ako sa taas)
Doc: Tingin sa baba
(tingin naman ako sa baba)
At this point ay hindi ko alam na tapos na pala ang eye exam. Nasa ear exam na pa kami.
Doc: Tingin sa kanan
(eh di tingin naman ako sa kanan syempre gamit yung mata)
Doc: Kasama po ang ulo!!
Calc: Dapat po ay "lingon" at hindi tingin.

---

Doc: Pakibasa yung eighth line.
(Walang line number yung chart)
Calc: Eighth line mula saan po? mula sa taas o mula sa baba?
Doc: Mula sa taas
Calc: Paano po ang basa ko? Simula sa kanan o simula sa kaliwa?
Doc: Simula sa kaliwa

Halos yung buong physical ay puro pasaway moments. May allergy daw ba ako o wala? Allergy po saan? Ang gulo naman kasing magtanong ni Doc. May high blood daw ba ako o wala? Sabi kung minsan meron, minsan wala, depende sa okasyon. Hahaha!!!

Medyo nakakatawa rin itong policy namin dito. Sira-katawan, di pwede. Sira-ngipin, di pwede. Pero sira-ulo, pwede!!! Malusog na katawan, pasado. Matibay na ngipin, pasado pa rin. Pero papasa kayo ako kung may psychiatric check-up? Hahaha!!!